去大阪旅行，大家必定會買大阪周遊卡。Lee 張卡既好處係包左 35個免費景點，仲有指定路線既地鐵可以任搭，非常抵玩架！ 1日券 2500yen，2日券 3500yen。
如果你係第一次去大阪，大阪城相信係你行程上既其中一個景點。用大阪周遊卡，可以免費登上天守閣觀賞城周遭既景色，小編非常建議之後可以順便搭埋“大阪城御座船”😉 除左系因為憑卡免費之外，大家係可以透過一個好特別既角度 & 距離去觀賞大阪城 ♥️
要上船既話，就要先去上船點附近既售票處換飛先，係攞飛既時候就要講定你想搭幾點既船，一個鐘大概有3班船，大家千其唔好遲到呀！雖然萬一遲到都可以搭下一班，但唔確保下一班船有空位，就算有空位，都未必夠你同你班 friend一齊搭架！小編同朋友就係因為遲左，最後等左 3班船先有位上 😫😫 不過好彩上到炸......
大阪城御座船既航程大概 20分鐘左右，會由一位工作人員帶大家遊覽，一船大概 10位遊客。上船後，工作人員會安排遊客平均在船既兩邊坐，遊覽既途中會有日英語音導航，而中途會有幾個停船點比大家影相！大家係 lee d點都會把握時機影相架，因為停船時間好短，只有幾分鐘，加上角度實在太正啦 👍但大家影相既時候要注意安全呀，因為大家既郁動可能會令到只船搖晃 😂😂😂
營業時間：
10:00～17:20 （末班船16:50發船）、11月～2月運營至～17：00（末班船16：30發船）